Aurten ere ezohikoa izango da bertso astea, izan ere, osasun egoera tarteko, ezin izan dute erabateko normaltasunez antolatu urteroko hitzordua Motxian-Etxebeltz Bertsoguneko kideek. Oztopoak oztopo, datorren asteko ostiral eta larunbatean, uztailaren 9 eta 10ean, bertsolaritzaz gozatzeko parada izango da Villa Manuelako frontoian.
Ostiralean, dagoeneko tradizio den bertso musikatuen saioa egingo dute, 22:00etatik aurrera. Euria egingo balu, Modelo Aretoan izango litzateke hitzordua. Larunbatean, berriz, bertso saioa izango da leku berean, eta ondorengo bertsolariak ariko dira kantuan: Oier Aizpurua, Uxue Alkorta, Aner Euzkitze, Libe Goenaga, Uxue Ostolaza eta Julen Zulaika. Gai-jartzaile lanak, berriz, Jone Lizarraldek eta Garazi Peritzek egingo dituzte.