Eusko Jaurlaritzak eta Osasunbideak argitaratu dituzte koronabirusaren bilakaerari buruzko txostenak. Horietan jaso dutenez, atzo, 11.198 proba diagnostiko egin zituzten Hego Euskal Herrian: 8.929 Araban, Bizkaian eta Gipuzkoan, eta 2.269 Nafarroan. Horietatik, 482 positiboak izan ziren.
Alde batetik, 407 kasu berri atzeman zituzten Araban, Bizkaian eta Gipuzkoan: 37 Araban, 221 Bizkaian, 144 Gipuzkoan eta beste erkidego edo toki batzuetako 5 kasu. Hala, %4,6koa da positibotasun tasa hiru lurralde horietan. Nafarroan, berriz, 75 positibo hauteman zituzten eta %3,3koa da positibotasun tasa.
Ospitaleen egoerari dagokionez, COVID-19aren ondorioz 61 pertsona ospitaleratu zituzten atzo Araba, Bizkaia eta Gipuzkoako erietxeetan, eta 145 pertsona daude ZIUn. Nafarroan, berriz, bost lagun ospitaleratu dituzte azken orduetan.