Argazkiak: Aiala ZKE-Lema Transit Askartza

Markagailuan alde handia aterata irabazi zion Euskal Ligan lehiatzen diharduen Aiala ZKEk Lema Transit Askartza taldeari. Iragan larunbatean izan zen partida Aritzbatalde kiroldegian, eta 32-18ko emaitzarekin irabazi zioten etxekoek Leioako (Bizkaia) taldeari. Gaur-gaurkoz bigarren postuan dira Euskal Ligan zarauztarrak, Usurbilen atzetik. Datorren jardunaldia maiatzeko lehen asteburuan izango dute, eta Etxabarriko (Bizkaia) Kukullaga taldearen aurka neurtu beharko dituzte indarrak.