Aste honetan iritsi da denboraldiko lehen antxoa arraindegietara. Herritar ugari zain-zain egoten dira antxoa noiz sartuko, eta prezio onean izan da eskuragarri aste honetan. Batela arraindegian 6 euroren bueltan zegoen kiloa atzokoan, eta kanpoaldean jarrita zuten horrenbeste jende erakarri ohi duen kartela: Getariako antxoa. Kartel berbera ikus zitekeen herriko beste hainbat arraindegitan ere.
"Ondo harrapatzen" ari direla uste dute Batelako arrain saltzaileek, aste osoa daramatelako antxoak garbitu eta garbitu, geratu ere egin gabe.