Zarautz Rugby Taldeak otsailaren 20an neurtu zituen indarrak Universitario Bilbao Rugbyrekin. Aurkarietako batek PCR proban positibo eman ostean, konfinatu egin behar izan ziren Zarautz Rugby Taldeko kideak ere, COVID-19a hautemateko probetan guztiek negatibo eman arren. Iragan asteazkenera arte, beraz, ezin izan dituzte entrenamenduak berrartu.
Behin jardunari berriro helduta, larunbat honetan norgehiagoka izango dute Zarauzko errugbilariek. Etxean jokatuko dute, Asti zelaian, eta Uribealdea taldea izango dute parez pare. 16:00etan hasiko da partida.