Madrilen izan dira ZKEko halterak asteburuan, Kluben 16 urtez azpiko Federazio Kopan parte hartzen. Lau klub ziren lehian aritzekoak, eta hiru aurkarien atzetik geratu dira zarauztarrak, laugarren. San Fernando / San Lucar klubeko andaluziarrak (Espainia) izan dira txapeldun, A Coruñakoak (Galizia) bigarren, eta Molins de Rei (Herrialde Katalanak) elkartekoak hirugarren.
Ondoko halterak joan ziren Zarauzko elkartetik lehiatzera: Eriko Exposito (52 kg), Jakes Etxeberria (55 kg), Harkaitz Gasco (62 kg), Urko Exposito (75 kg), Xuban Portillo (93 kg) eta Romeo Ballesteros (104 kg).
Larunbatean lehian zirenen artean azkena egin bazuten ere, gustura agertu dira ZKE Halterofiliakoak, iaz Kluben 15 urtez azpiko Federazio Kopan eskuratutako bosgarren postua hobetzea lortu baitute.