AEK euskaltegiaren Zarauzko egoitza Salberdinen dago kokatuta, eta jakina zen eraikin hori bota egingo zutela Salberdingo hirigintza planak aurrera egin ahala. Osteguneko ezohiko udalbatzarrean jakinarazi zuen udalak kokapen berria non izango duen euskaltegiak: Zuberoa kaleko 16-18 lokaletan.
Araba kaleko 13.ean dago gaur egun AEK euskaltegia, eta ikasturte hau behintzat han amaituko dute ikasle eta irakasleek. Ez udalak, ez AEKk, ez dute jakinarazi noiz aldatuko diren egoitza berrira.
Araba kaleko eraikin horretan bada beste zerbitzu garrantzitsu bat: Lanbide. Hori non kokatuko duten ere ez dute esan oraingoz.