-1-
Bikote hobezin izatea
ez da arazo gabea
Zeren arazoak gainditzeko
elkartzea da klabea
-2-
Ekintza baten maila kaskarra
nabari da zuzenean
memelo jendeak etengabe
txalokatzen dutenean
-3-
Pertsona batzuk ahots larria
erabiliaz astiro
beren esanak garrantzitsutzat
saltzen dituzte sarriro
-4-
Poza hunkigarri izaten da
Une batez atsegina
Sarri zoriontzat hartzen dugu
ta ez da gauza berdina
-5-
Arropa gutxi ta kotxerik ez
Lotsa sortzen dizu sarri
Zu ez zarena azaldu nahia
hori baita lotsagarri
-6-
Zuk erruak onartu apalik
ta beraietaz ikasi
Ondoren zure heldutasunez
bidea zuzentzen hasi
-7-
Txanponak zaratatsuak dira
Bai, txartelak ez bezala
Zure balioen gorakadan
izan isil ta apala
-8-
Zahartzaro luzean sekretuak
dira, erdia jatea
Ibilaldiak bikoiztu eta
barrea hirukoiztea
-9-
Norbait iraintzen duzun unean
zuk horman iltze bat sartu
Behin damutuz atera ondoren
hutsegiteaz ohartu
-10-
Zure kalteen errudun gisa
inor salatu baino lehen
ispiluari soaz galdetu
zuk sortua ez ote den
-11-
Hitzen bitartez ezin baduzu
gauza bat ulertarazi
ekintza duzu hautabidea
Bere bidez irakatsi