Mendi Film Festival jaialdia egunotan ari dira egiten Bilbon, eta orain egun batzuk hantxe aurkeztu zuen Iñaki Peña Zarauzko bizilagunak bere hirugarren ikus-entzunezkoa: Mendian hil, hirian hil dokumentala. Trilogia baten hirugarren zatia da. Mendiari buruzko nazioarteko jaialdiak hainbat sari banatzen ditu, eta horietako bat eskuratu du: Euskarazko Film Onenaren Saria.
"Oso pozik gaude", esan die komunikabideei sariaren berri izandakoan. "Hainbeste pelikularen artean sartu eta jaialdian parte hartzea bera bakarrik itzela izan da; eta gainera, saria! Gezurra dirudi!". Gaur 19:00etan egingo duten ekitaldian jasoko du saria Peñak.
Dolua izan du mintzagai dokumentalean, eta horri buruz aritu zen hedabide honi eskainitako elkarrizketan. Hemen dago irakurgai.
Sari nagusia Hillary-Ocean to Sky lanak eskuratu du.