Datorren asteartean, hilak 15, mediku gailu pertsonalizatuen inguruko online hitzaldia izango da, ZarautzOn elkarteak antolatuta. Elkartearen Nirestream eta Youtubeko kanaletan izango da zuzeneko emanaldia, Josu Goikoetxea Larruriren eskutik.
Goikoetxeak Polymer Engineering ikasi du Londoneko Metropolitan unibertsitatean, eta Berrikuntzaren Kudeaketa Masterra du Deustuko unibertsitatean. Gainera, teknikari eta berrikuntza estrategikoan arduraduna da Leartiker enpresan. Pazienteentzat irtenbide egokienak bilatzen saiatzen da enpresa hau. Osasun industrian behar bereziak dituzten pazienteentzako berrikuntza beharrezko bilakatzen ari dela jabetuta, gailu pertsonalizatuak eskaintzearen inguruan egingo du gogoeta Goikoetxeak.