Gela kultura programaren barruan, ziklo berri bati ekin zioten urria amaieran Photomuseumen. Tim Kirbyren Argazkigintzaren maisuak dokumental saila landu dute azkeneko asteetan. Sei atal ditu bildumak, eta bihar emango dute seigarren eta azken atala: Bat-bateko judizioak.
Photomuseumeko antolatzaileen esanetan, Kirbyk gaur egungo argazkigintza izan zuen aztergai kapitulu horretan: "Zer esan nahi du argazkilari izateak gaur egun? Eta zenbat balio du
argazki batek gaur egun?". 18:00etatik aurrera izango da ikusgai Bat-bateko judizioak, eta Gela programaren barruan prestatutako gainontzeko saioak bezala, doakoa izango da.