"Urtero bezala, plaza honetan bildu gara, bularreko minbiziaren aurrean inor ez dela bakarrik egongo esateko", adierazi du Begoña Crespo AECCko kideak. Gogorarazi du elkarteak hainbat baliabide eskaintzen dituela dohainik, tartean, gizarte laguntzaileen edo psikologoen laguntza. "Helburua da jendea zaintzea eta ondo sentitzen laguntzea", azaldu du.
"Bularreko minbizia sendatzen da: ehuneko handi batek lortzen du gaixotasuna gainditzea", dio Crespok.