12.682 PCR proba egin ziren atzo guztira Hego Euskal Herrian, eta horietako 978k eman zuten positibo, Osakidetzak eta Nafarroako Osasun Institutuak plazaratutako datuen arabera. Nabarmen egin du gora positibo berrien zifrak: ostegunean baino 102 kasu gehiago atzeman zituzten atzo. Egindako PCR probak ere gehiago izan dira. Azken egunetako joera mantenduta, Bizkaian atzeman zituzten atzo positibo gehien: 359. 119 atzeman zituzten Araban, 191 Gipuzkoan eta 308 Nafarroan.
Ospitaleen egoerari dagokionez, 53 ospitaleratze egin ziren atzo Araban, Bizkaian eta Gipuzkoan, eta 60 dira une honetan COVID-19a duten eta ZIUn dauden gaixoak hiru lurralde horietan. Nafarroan hamahiru ospitaleratze izan ziren, eta atzoko egunean ez zen COVID-19ak eragindako heriotza berririk egon. Osakidetzak, berriz, ez du Arabako, Bizkaiko eta Gipuzkoako heriotzen daturik argitaratu.
Aipatuak asteburuetan Osasun Sailak argitaratzen dituen datuak dira. Udalerrietako datuen eguneratzea eta R0 indizea astelehenean argituko dituzte.