Murkil Zarauzko Dendarien Elkarteak kanpaina berri bat abiatuko du bihar, irailak 10, Ongi Etorri Udazkena izenpean. Hilaren 25era arte iraungo du eta, egun horietan, elkarteko fideltasun txartelaren bidez hobaria lortzeko aukera izango dute herritarrek. Murkil saltokietako datafonoek, ausaz, egin diren hainbat erosketa aukeratuko dituzte, eta 40 euroko hobaria izango dute hautatuek.
Erosleek Murkil txartelarekin ordainketa egitean jakingo dute saria irabazi duten edo ez. Txartela eskuratu nahi dutenek, www.murkil.com web-orrialdera edo Nafarroako Caja Ruralera jo dezakete.