Gaur goizean abiatu du Jira-Bira taldeak COVID-19a izan dutenak eta haren eraginez hil direnak omentzeko ibilbidea. Arabako, Bizkaiko eta Gipuzkoako hiriburuetatik igaro eta Arantzazuko Santutegian amaituko dute bidea arratsaldean, eta bertan Amabirjinari eskaintza egingo diote.
Dena dela, bidean ez dira bakarrik egon, hainbat lagunen babesa jaso baitute. Orion esaterako, herriko emakumezkoen traineruak arraunak igo ditu txirrindulariak, Oria ibaia zeharkatzen duen zubitik pasa direnean. Bestetik, Zarautzen, Zurekin Ostalari Elkarteko lagunak izan dituzte zain bide bazterrean, animoak emateko.