Larunbat honetan COVID-19a izan dutenak eta haren eraginez hil direnak omenduko dituzte Jira-Bira taldeko txirrindulariek. Bizikleta ibilbidea egingo dute Arabako, Bizkaiko eta Gipuzkoako hiriburuetatik igarota, eta Arantzazuko Santutegian amaituko dute bidea. Bertan, Amabirjinari eskaintza egingo diote.
08:30ean abiatuko dira txirrindulariak Gipuzkoako Foru Aldundiaren egoitzatik, eta bi taldetan banatuko dira aurrerago: talde bat Bizkaiko Foru Aldundiaren egoitzara joango da eta bestea Arabako Foru Aldundiarenera. Ondoren, bi taldeak Arantzazurantz joko dute; 17:00ak inguruan iristea dute aurreikusita.