Tinko eusten diote aldarri nagusiari: borrokan jarraituko dute 1.080 euroko gutxieneko pentsioa lortu arte. Eskaera horri beste hainbat gehitu zaizkio koronabirusak ekarri duen egoeragatik. Zaharretxe publikoak aldarrikatu dituzte, "kalitatezkoak eta doakoak". "Patronal kudeatzaileek onurak baino ez dituzte bilatzen pribatizatutako egoitzetan eta adinekoen arretarako bestelako zerbitzuetan", azaldu dute bozgorailutik.
Amaitzeko, elkartasuna eta babes morala heralazi dizkiete gaixotasunaren ondorioz hildakoen familiei eta gertukoei, kutsatutako herritarrei eta kutsatu horiek behar bezala zaintzeko eta artatzeko ahal duten guztia eman dutenei.