Otsaileko itsasaldiak moilako horma zati bat zulatu zuenean, Zarauzko Udalak partida aldaketak egin behar izan zituen urteko aurrekontuan, eta Itsasmendi auzoan eraikitzea aurreikusita zeukan autokarabanentzako aparkalekuko inbertsioa kalteek eragindako gastuetara bideratzea.
Abendañoko lursaila udalarena da, eta etorkizunean udal brigadaren eraikina egiteko erabiliko da. Bien bitartean, ordea, hantxe egingo dute autokarabanentzako aparkalekua, baina udalak ez zuen baztertu otsailean iragarri zituen partida aldaketetan aurrerago aparkaleku hori Itxasmendin kokatzeko aukera.