A-
Apustu bat egin dut
Arraro samarra
A hizkia gidari
Araua bakarra
Ahaleginduko naiz
Argi dago marra
Abiatu ondoren
Aldapa kaxkarra
Azkenik gainditu dut
Aurrenengo barra
E-
Eta beste erronkan
E hizkia da gai
Erabili behar dut
Erreferentzi, bai!!!
Ez daukat ipintzerik
Edonola,non nahi
Ea asmatzen dudan
Enbidoa dut zai
Emaitza lortu behar
Edo bestela,jai
I-
I hizkia dut orain
Ibilbide gida
Iritsi bitartean
Itzulera bira
Inoiz ezin aldatu
Ilaran erdira
Itaundu izan diot
Itun hauek dira?
Inozoa ez zara
Ipini distira
O-
O hizkiakin daukat
Ondorengo lana
Orain bete behar dut
Otu zitzaidana
Oso polita zela
Orduko lan plana
Olatu abiadan
Osatuaz dana
Ondo damutu ei zait
Onartu izana
U-
U hizkiak jartzen nau
Urduri antzera
Urruti samarretik
Usaintzen dut bera
Usu azaltzen bai zait
Urakin batera
Udan eta neguan
Utzi ni? Bai zera!!!
Urrun kukurrukuka
Ukuilutik behera