Konfinamenduaren seigarren ostiralean, seigarren Isolamenduaren Aurkako Bertso Saioa izango da entzungai gaur, Arraio Irratian, 20:00etatik aurrera. Bapateko Unibertsoa irratsaioko kideen eskutik, erronka formatua mantenduko dute gaurkoan ere. Oraingoan zarauztarrak eta markinarrak izango dira aurrez aurre–pantailaz pantaila–: Ane Peñagarikano eta Aner Peritz zarauztarrak, eta Nerea Ibarzabal eta Nahia Ibarzabal markinarrak.
Astero bezala, FM-ko 99.3an izango da entzungai zuzeneko saioa.