Atzo, ostirala, 48 urteko gizon bat atxilotu zuen Ertzaintzak droga trafiko delitua egotzita. Konfinamendu neurriei lotutako kontrola jarri zuen Ertzaintzak A-8 autopistan, Zarauzko ordainlekuaren parean, eta han atzeman zuten gizona.
13:00 aldean jazo zen atxiloketa. Ertzaintzak adierazi duenez, “ausaz” ari ziren autoak geldiarazten, bidaiaren nondik norakoak galdetzeko. Gizonak "koherentziarik gabeko” erantzunak eman zituztenez, identifikatu egin zuten eta haren autoa erregistratu egin zuten. Ertzaintzak ehun gramo hauts zuri eta gramo bateko hiru poltsatxo speed atzeman zizkion.
Droga trafikoa leporatzeaz gain, isuna jarri zioten konfinamendu arauak ez betetzeagatik. Gizonari auzibidea zabaldu diote.