Argazkigintzarako materiala dohaintzan eman dio Photomuseumi Iñaki Gartzia Uribek. 300dik gora dira Uribek argazki zientzia museoari eman dizkion piezak: kamerak, objektiboak, flashak, laborategiko materiala, fokuak...
Aranzadi Zientzia Elkarteko etnografoa da Uribe, eta aditua da euskal mendizaletasunaren historian. Ugaoko Burdin Hesia memoria historikorako elkarteko presidentea da, baita Udiarragako Ama Birjinaren Kofradiako eta Bizkaiko Ermiten Lagunak elkarteko kide ere. Kultura eta historia dibulgazioaz arduratu da hainbat hedabidetan, eta egindako lan horietan guztietan, oso presente izan du argazkigintza.
Gartzia Uriberen materiala, Photomuseumen esku
Etnografo ezagunak argazkigintzarako materiala utzi dio dohaintzan Zarauzko argazki eta zientzia museoari. Euskal mendizaletasunaren inguruko dokumentazio lan handia egin du Iñaki Gartzia Uribek.
Zarautz Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide