Datorren ostegunean, otsailak 6, Tew Bunnag bangkokarrak hitzaldia emango du Zarauzko Antoniano aretoan, 19:00etan. Errukiaren balioa krisi egoeran dagoen komunitate batean izenpean eskainiko du saioa, Zarautz Herri Zaintzailea plataformaren eskutik.
Plataformako kideek azaldu dutenez, Trungpa Rimpoche meditazio maisuarekin hasi zuen heziketa espirituala Bunnagek, eta Chao Khun Sobhana Dhammasuddhirekin jarraitu zituen ikasketak gero; Buddhapadipa tenpluko abadearekin, hain zuzen. Hala, meditazio eta tai-chi irakasle laikoa izan da Bunnag, eta 2000. urteaz geroztik egiten du lan The Human Devlopent Foundation elkartearekin.