Sansebastianak direla eta, garraio zerbitzua indartuko dute igandean eta astelehenean. Euskotrenek igandetik astelehenerako gauean eskainiko du zerbitzu berezia, San Sebastian bezperako joan-etorriak errazteko. Zumaia eta Amara artean gau osoan zehar ordubetean behin trenen gaueko zerbitzua egongo da. Astelehenean, hilaren 20ean, tren zerbitzua lanegunetako ohikoa izango da.
Autobusak, aldiz, bihar eta astelehenean izango dira. Bihar, igandean, Lurraldebus UK49G Zumaia-Donostia lineako zerbitzua orduro irtengo da Zumaiatik, 23:00etatik 04:00ak bitartean. Donostiatik ere orduro irtengo dira autobusak, 00:00etan hasi eta 05:00ak arte. Tren eta autobus zerbitzu berezien inguruko informazio guztia euskotren.eus webgunean dago ikusgai.