Kristalezko azpiegitura kokatu dute dagoeneko, eta itxura hartzen doa Aritzbatalde kiroldegiaren ondoko zelai berria. Araututako bi pista eraikiko dituzte, bata estalia, pabiloiaren barruan, eta bestea, estali gabea, haren ondoan.
2018ko abenduan hasi ziren azpiegitura berriaren obrekin eta, udalaren arabera, 2020ko irailerako prest egongo da, beraz, datorren denboraldian herriko kirol taldeek erabili ahal izango dute.
