Urte berrirako irakurketa plana aurkeztu dute Paperezko Lagunek

Zarauzko Hitza 2019ko abenduaren 31

Irati Elorrieta 'Neguko argiak' aurkezten. (Pamiela)

Paperezko Lagunek urteko lehen hiru irakurketa planen berri eman dute. Ohi bezala, Alex Gurrutxagaren gidaritzapean, Garoa liburu dendako sotoan elkartuko dira hileko hirugarren ostegunetan, 19:30ean; salbuespena martxoan izango da,  hilaren 19a jai denez, asteazkenean egingo dute. Literaturzaleak bertaratzera animatu nahi dituzte.

Solasaldi saioak
- Urtarrilak 16: Irati Elorrietaren Neguko argiak (Pamiela, 2018)

- Otsailak 20: Lidia Txukovskaiaren Sofia Petrovna (Katakrak, 2019)

- Martxoak 18 (asteazkena): Katixa Agirreren Amek ez dute (Elkar, 2018)

Zarautz Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide