Antzezlanaren webguneak ondorengoa azaltzen du: "Euskal Herrian nahikoa da “Zaldi zuria” esatea burura etortzeko heroina eta 1980ko hamarkada. Eta behin buruko errota martxan ipinita, segituan etorriko zaizkigu burura beste hainbat auzi ere: gazteria eta rock musika, askori; hiesa eta heriotza, ez gutxiri; gatazka politikoa eta botereen esku beltza, beste hainbati. Auzia da droga kalean dela, hemen eta orain, bere ertz eta erabilera guztiekin. Eta, tartean, heroina itzuli dela. Hortik izenburu metaforikoa: ZALDI URDINA".
Lantaldeak Unai Iturriaga eta Igor Elortzarekin batera idatzi du istorioa, eta Ximun Fuchs du zuzendari eta Ainara Gurrutxaga zuzendari laguntzaile. Aktore zerrenda honako hauek osatzen dute: Ander Lipus, Manex Fuchs, Urko Redondo, Miren Alcala, Oier Zuñiga, Edurne Azkarate eta Olatz Beobidek.