37. aldiz antolatu du Murkil herriko merkatarien elkarteak Gabonetako erakusleihoen lehiaketa. Aurten 21 saltokik hartu dute parte, eta Ixidor Larrañaga zinegotziak guztien lan ona azpimarratu du.
Epaimahaiaren aburuz, Transit izan da guztietan dotoreen apaindu duten erakusleihoa. Udalaren eskutik, 600 euro eta garaikurra jaso ditu gizonezkoentzako oinetakoak eta osagarriak saltzen dituen dendak. Bigarren saria, berriz, Javier Lucas argazki dendak jaso du. Horrek, 300 euro eta garaikurra eskuratu ditu, Murkilen eskutik. Publikoaren saria, Facebook bidez boto gehien jaso dituenarena, Garbiñe Agirrerentzat izan da.
