Astelehenero bezala, Alde Zaharreko kaleak astindu dituzte goizean dozenaka herritarrek, pentsio duinak aldarrikatuz. Eskatzen dutena lortu arte, mobilizazioak "behar adina" luzatzeko prest daudela azaldu dute amaierako irakurketan. 2020ko urtarrilaren 13an, astelehenean, berrekingo diete manifestazioei. Ohiko moduan, 12:00etan jarri dute hitzordua, Lege Zaharren enparantzan.
Gaurkoan keinu berezia egin diete Frantziako pentsioen aldeko grebari, eta ozen esan dute beraien helburuak lortzeko "bermerik onena" mobilizatzea dela. Amaitzeko, urtarrilaren 30erako deituta dagoen greba orokorrarekin bat egiten dutela adierazi dute.