20:30ean hasita, abesbatzek ireki zuten atzoko jaialdia. Hain zuzen, Zarautz Abesbatza, Zarautz-Txiki Abesbatza, Txinpirin Abesbatza, Schola Cantorum Parrokiako korua eta Montetxio Abesbatzako kideak igo ziren oholtza gainera; banaka lehenengo, eta guztiak elkarrekin gero. Jarraian, txistularien txanda izan zen, eta abesbatzekin batera aritu ziren kiroldegia girotzen. Gero, Zarauzko Musika Banda batu zen emanaldira.