Helene Alberdi zumaiarrak hasieratik agindu zuen Distantzia erdiko Espainiako Txapelketan. Abantaila handiarekin osatu zuen igeriketako proba, baina Usoa Ostolazak bizikletako partzialik onena egin zuen eta minutu batera murriztu zuen zumaiarrarekiko aldea.
Korrikaldian ez zen aldaketarik izan, eta, azkenean, Alberdi izan zen txapeldun, 4:30:43ko denborarekin, eta Ostolaza bigarren, 4:31:38koarekin. Hirugarren sailkatua Eva Ledesma izan zen, 4:35:29koarekin.