Aurten ere Patxi Zaporra omenduko dute Zarautzen, haren oroimenezko pilota txapelketa medio. Gaur hasiko da LV. Zaporraren Oroimenezko Txapelketa: datozen bi asteetan izango dira norgehiagokak, Frontoi Txikin, 18:00etan hasita. Abuztuaren 8an jokatuko dituzte finalerdiak, eta 13an erabakiko da zein bikotek jantziko duen txapela berria.
Guztira hamabi bikotek neurtuko dituzte indarrak, gaurtik hasita. Aurreneko jardunaldian lau bikote arituko dira Frontoi Txikin: Murua eta Etxaniz, Chiapuso eta Aranburu, Lizaso eta Urbieta, eta Atxotegi eta Balerdi. Iaz Muguruza eta Landa izan ziren nagusi, finalean Sancho eta Esnaola azpiratuta.
Hona hemen LV. Zaporraren Oroimenezko Txapelketako partida guztiak:
Gaur, astelehena
- Murua-Etxaniz - Chiapuso-Aranburu
- Lizaso-Urbieta - Atxotegi-Balerdi
Bihar, asteartea
- Artetxe-Arteaga - Etxezarreta-Labaka
- Jauregi-Arzelus - Taberna Zangitu
Abuztuak 1. Final laurdenak
- Aurreneko partidako irabazleak - Huizi-Muguruza
- Bigarren partidako irabazleak - Ojuel-Esnaola
Abuztuak 6. Final laurdenak
- Hirugarren partidako irabazleak - Eskudero-Urruzola
- Laugarren partidako irabazleak - Maiz-Esnaola
Abuztuak 8. Finalerdiak
Abuztuak 13. Finala