Gela kulturaren difusiorako programaren barruan, Andréi Tarkovski zine zuzendari, aktore eta idazle sobietarra aztertuko dute Photomuseumen. Zinezale askoren arabera, Errusiako zinemagintza klasikoaren barruan, ezinbestean aipatu beharreko egilea da Tarkovski, Serguéi Eizenshtéin eta Serguéi Bondarchukekin batera.
Zazpi film luze egin zituen: Ivanen haurtzaroa (1962), Andrei Rubliov (1969), Solaris (1972), Stalker (1979), Tempo di viaggio (1983), Nostalgia (1983) eta Sakrifizioa (1986).
Bihar, ostirala, izango da Tarkovskiri buruzko Gela saioa, 18:00etan hasita, eta doakoa izango da sarrera.