Aldarte elkarteak Zarauzko Udalarekin eta Gipuzokako Foru Aldundiarekin elkarlanean sortutako lana ikusgai izango da asteartean Modelo aretoan. OSGI gorroto-delituei begirada orokorra dokumentalak orientazio sexual eta genero identitateen ondorioz pairatzen diren gorroto delituak ditu hizpide. 18:30ean hasiko da saioa eta sarrera librea izango du.
Ikus-entzunezkoaren ostean, gaian aditua den Cristina Ruedak bideratutako eztabaidan parte hartzeko aukera izango dute bertaratzen direnek.
