Zeruari begira daude Santa Marina auzoko bizilagunak. Joan den asteburuan eguraldi ederrarekin hasi ziren jaiak ospatzen, baina gaur euritsu argitu du egunak. Eguraldia dela eta, bertan behera geratu da La Salleko ikasleen danborrada txikia, eta ikastetxeko kideek azaldu dutenez, asteartean 10:00etan egingo dute.
Dena den, egitaraua mantentzeko asmoa dute Santa Marinako jai batzordekoek, beharbada ekitaldiren bat berdura plazara edo beste nonbaitera tokialdatuta. Euria euri, gaur gaueko danborrada ere egingo dute. "Inoiz ez dugu bertan behera utzi. Beharbada ibilbidea laburtuko dugu, baina aterako gara", azaldu du jai batzordeko kide batek. 70-80 lagunek hartuko dute parte danborra joz. Txupinazoa botatzeko ohorea, berriz, Arkamurkari eman dio jai batzordeak, 50 urte bete dituelako taldeak.
Santamarinen egitaraua
Gaur, ostirala
10:00. La Salleko haurren danborrada txikia.
19.00. Txupinazoa. Arkamurka natur taldeak igoko du bandera, 50 urte bete baititu.
19:30-21:00. Iratzar taldearen kontzertua.
22:00. Santa Marina danborrada auzoan eta herrian zehar. Ondoren, kontzertuaren jarraipena.
Bihar, larunbata
10:30. XXX. Santa Marina Pilota Txapelketako finalak.
12:30. Helduentzako X. Toka Txapelketa.
17:00. 12-17 urte artekoentzako jolasak, Haize-Orratz gaztelekuaren eskutik.
19.00. Elektrotxufla elektrotxaranga.
23:00. Eztengiro taldearen kontzertua.
Etzi, igandea
11:45. Jalgi dantza taldea.
12:30. XVIII. Patata Tortilla Lehiaketa. Ondoren, kantujira auzoan zehar Arrai-Zopa taldearekin.
17:30. Apaxi ipuin-kontalariaren emanaldia haurrentzat. Ondoren, #Zunbalain Dantzafestaren emanaldia.
Maiatzak 21, astelehena
18:00. LI. Santa Marina Korrika Txapelketa.
20.00. Zezen txikiak eta ponyak.
Maiatzak 22, asteartea
07:00. Kanpai-errepika, suziriak eta ereserkia egunari ongietorria egiteko. Ondoren, diana
Goizeko Ihintza txistulariekin.
08:30. Meza, Santa Marina ermitan. Ondoren, txokolate-jana Kirkilla jatetxearen eskutik.
11:00. Jubilatuen hamaiketakoa.
18:00. LI. Santa Marina Korrika Txapelketa.
20:00. Zezen-txikiak eta ponyak.