Zarauzko Udaleko Gizarte Zerbitzuetako Prebentzio arloak aurten ere festetan alkohol gehiegi edatearen aurkako pegatina lehiaketa antolatu du. Lanak maiatzaren 13tik 27ra bitartean aurkeztu beharko dira, eta derrigor ordenagailuz egin eta emailez bidali beharko dira, ondoko helbidera: prebentzioa@zarautz.eus
Bi sari egongo dira, epaimahaiarena eta publikoarena. Epaimahaiaren saria Murkileko dendetan arropak, oinetakoak, ikus entzunezko materiala eta abar erosteko 300 euroko balea izango da. Publikoarena, berriz, produktu berdinetarako balioko duen 150 euroko balea.
Lehiaketaren oinarriak Prebentzio arloko blogean daude ikusgai.