EITBko Hiri Gorrian irratsaioan fanzineen loraldia izan dute hizpide, Desagertu zirela uste bagenuen ere, bueltan dira fanzineak! izenburupean. Besteak beste, Zarauzko Danda Gazte Asanbladak aurten sortutako Isla, Iruñeko futbolzaleek martxan jarritako Sadar Bizirik eta Bergarako Turtukiña fanzine feminista aztertu dituzte saioan.
Dandako kideek martxoan aurkeztu zuten Isla fanzinea, 0. alea argitaratu zutenean. Maddalen Etxebestek eta Ibai Sarasuak azaldu zutenez, beren "ezinegonak herriari helarazteko" asmoz sortu dute proiektua, kezkak eta "arduratzen dituzten gaiak" "beren modura" plazaratu ahal izateko. Laster izango da kalean Islaren 1. alea, data zehatzik iragarri ez badute ere.
Hona hemen Hiri Gorrianen fanzineei buruz egindako saioa osorik