Ziklomotorrei zuzendutako Ibilgailuen Azterketa Teknikoak egiteko aukera izango da hurrengo astean Zarautzen; hain zuzen, ostegunean, maiatzak 9, eta ostiralean, maiatzak 10. Astiko aparkalekuan izango dira azterketak, 09:00etatik 14:00etara. Itsasua S.L. enpresa arduratuko da, eta azaldu dutenez, bi gurpileko ziklomotorrak soilik onartuko dituzte, ez lau gurpileko ziklomotorrak edota motozikletak.
Zarauzko Udaleko Mugikortasun sailetik jakinarazi dutenez, azterketa egitera bertaratuko direnek zenbait agiri eraman beharko dituzte:
- Ziklomotorraren ezaugarri teknikoen ziurtagiri originala
- Zirkulazio baimena
- Derrigorrezko asegurua
- Titularraren NAN
Bestalde, derrigorrezkoa da aldez aurretik txanda eskatzea, Zarauzko Udaltzaingoan (Gipuzkoa kalea, 32). Hilaren 6an, 7an edo 8an izango da txanda hartzeko aukera. IAT egiteko kostuari dagokionez, 28,17 eurokoa da.