Bilboko Lasergunera irteera antolatu dute Zarauzko Haize-Orratz Gaztelekukoek, maiatzaren 25erako, larunbata. 12-18 urte bitarteko gazteei zuzendutako egitasmoa da. Laser Tag jolasa ezagutzeko aukera izango dute parte hartzaileek; 600 metro karratuko hondarrezko eremu bat dute Lasergunean, eta borrokak egingo dituzte bertan, kearekin, fluor apainketarekin eta efektu bereziekin lagunduta.
Gaztelekuak prestatutako irteeran parte hartu nahi dutenek aldez aurretik eman beharko dute izena, Gazte Informazio Bulegoan. Asteazken honetan, maiatzak 1, irekiko dute izen-emate epea, maiatzaren 17ra arte. 8 euro ordaindu beharko ditu pertsona bakoitzak.