Ostegun honetan, maiatzak 2, emango diete hasiera Mendi Jardunaldiei. Pagoeta Mendizale Elkartekoek hitzaldiak eta ikus-entzunezko lanen emanaldiak antolatu dituzte Zarautzen, eta maiatzaren 23ra arte izango dira egitasmoak.
Hona hemen Mendi Jardunaldietako egitaraua osorik:
- Maiatzak 2, osteguna. Denbora izeneko leku bat, Joseba Iztuetaren eskutik. Txiki Polit tabernan, 20:00etan.
- Maiatzak 9, osteguna. Munduan barrena: oinez, bizikletaz, piraguaz, zaldiz. Txiki Polit tabernan, 20:00etan.
- Maiatzak 16, osteguna. The dawn wall ikus-entzunezkoaren emanaldia (azpidatziak euskaraz). Modelo aretoan, 20:00etan. Sarrera 3 euroan.
- Maiatzak 23, osteguna. Liv along the way eta The weight of water ikus-entzunezkoen emanaldia (azpidatziak euskaraz). Antoniano aretoan, 20:00etan. Sarrera 3 euroan.
60. Pagoeta Eguna, ekainaren 2an
Bestalde, ekainaren 2an, igandea, izango da aurtengo Pagoeta Eguna, 60. urtez jarraian. Goizean goiz hasiko dira egitarauarekin.
- 08:00. Txistularien kalejira herriko kaleetatik.
- 08:30. Pagoetara joateko irteera, Guria taberna aurretik.
- 11:30. Meza, Pagoetako gurutze ondoan.
- Jarraian, erromeria txistulariekin eta trikitilariekin.