Getariako 5. Triatloia jokatuko dute larunbat arratsaldean. 400 kirolari izango dira Malkorbetik aterata igerian, ondoren Garate gainetik bizikletan, eta Getarian zehar lasterka. Proba zuzenean Zarauztik igaroko ez den arren, N-634 errepidean aldaketak eragingo ditu.
Zarauztik Zumaiara arteko bidea egiteko AP8 autobidea erabiltzea gomendatu dute antolatzaileek, Getarian trafiko pilaketak ekiditeko.Zarauztik Zumaiara joateko N-634 errepidea zabalik egongo da, baina arretaz eta kontu handiz gidatzeko eskatu dute.
Zumaiatik Zarautzerako noranzkoan, berriz, itxita egongo da N-634 errepidea 16:15etik 17:30era. Getaria eta Zarautzen arteko tartea, berriz, zabalik egongo da bi noranzkoetan, baina Getariako sarreran arretaz gidatzeko eskatu dute.
Amaitzeko, jakinarazi dute autobus zerbitzuak ohiko ibilbidea eta ordutegia mantenduko duela.