Atzo, igandea, Goierriko Itzulia jokatu zuten Urretxun. Mikel Paredes izan zen 119 kilometroko ibilbidea osatu zuen lehenengoa (2:47:18); Jose Luciano Martinezek bigarren postua eskuratu zuen, eta Zarauzko Eulen taldeko Santiago Mesak hirugarren egin zuen. Taldekako sailkapenean, bigarren postua irabazi zuen Eulenek.
Zarauzko taldeko 11 txirrindularik parte hartu zuten Urretxuko proban, eta David Etxeberria zuzendariaren arabera, "lasterketa ona" egin zuten. Talde handi bat iritsi zen helmugako zuzengunera, tartean, Euleneko Mesa, Kortabarria, Gurrutxaga, Lopez eta Gallego. Azken metroetan hirugarren egitea lortu zuen Mesak.