Atzo, igandea, jokatu zuten Zarauztarra txirrindulari elkarteak antolatutako XXIX. Zarauztarra Saria. 132 gaztek parte hartu zuten kadete mailako lasterketan. 10:30ean eman zioten hasiera probari, eta 51 kilometroko ibilbidea osatu zuten Zarauzko turismo bulego aurretik hasita, batez beste, 37'62 kilometro orduko abiaduran.
Usurbil taldeko Haimar Etxeberriak (1:19:45) irabazi zuen Zarauztarra Saria; Iruneseko Haritz Seinek bigarren egin zuen, eta Donosti taldeko Iñaki Errazkinek lortu zuen hirugarren postua. Taldekako sailapenari dagokionez, Usurbil taldea izan zen garaile.
