Adin guztietako emakumeak atera dira kalera Martxoaren 8 honetan. Euren eskubideak aldarrikatzeko hainbat ekintza antolatu dituzte gaurko, eta aurreneko hitzordua bizikleta martxa aldarrikatzailea izan da.
Lege Zaharraren enparantzatik abiatuta, kalez kale ibili dira. Iñurritzara joan dira aurrena, eta handik Araba kaletik pasatu, anbulatorioraino joan, eta berriz ere plazan amaitu dute saioa.
Bizikletetara igo bezain pronto euri zaparrada hasi da botatzen, baina ehunka emakumek ekin diote ibilbideari, eta Araba kalera iritsi direnean gehiago zirela ere bazirudien. Emakume batzuek euren seme-alabak ere eraman dituzte bizikleta martxara.
Umoretsu baina aldarrikapenak ahaztu gabe egin dute eguneko lehen ekintza.