Herritar batek HITZAri helarazi dionez, atzo, astelehena, 49 urteko emakume bat erasotu zuten Herrikobarra kalean. Emakumea denda batean sartzera zihoala, txanodun hiru mutil gaztek objektu gogorrak jaurti zizkioten, "joz eta min eginez". Saltokitik irten zenean, berriz zain zituen gazteak, eta oraingoan, gaileta batzuk bota zizkioten "indarrez". Jarraian, "algaraka eta barrez" alde egin zuten hiruek, korrika.
Inguruan jendea bazela azaldu du lekukoak, "baina ustekabean gertatu zen dena". Zarauzko Udaltzaingora deitu zuten, eta antzeko eraso gehiago gertatu direla adierazi zieten. Udaltzainek ingurua miatu zuten, baina ez zuten "aztarnarik" topatu.