Hamargarrenez egin dute Euskadiko Ostalaritza Eskolen Eusko Label Lehiaketa, eta zortzi iritsi dira finalera, tartean Aiala Ostalaritza Eskola. Ostegun honetan izango da finala Zarautzen, Aialaren egoitzan. 15:30ean hasiko da lehia, eta eskola bakoitzeko ordezkari bana ibiliko da sukaldean. Eusko Labela duen Abelgorri Okela izango da errezeta egiteko osagai nagusia.
Ondorengo eskolak lehiatuko dira, Aialaz gain: Urrutiko Lanbide Heziketako Institutua, Bilbao Goi Mailako Ostalaritza Eskola, Cebank Gipuzkoako Goi Mailako Ostalaritza Eskola, Egibide-Mendizorrotza Ostalaritza Eskola, Galdakao Ostalaritza Eskola Nagusia, Gamarra Ostalaritza eta Turismo Eskola, eta Leioako Ostalaritza Eskola.