Imanol Urbieta Musika Eskolako kideak eta Txinpirin eta Zarautz Txiki abesbatzak atera ziren lehenengo, Jaione Eskudero eta Antxon Sarasuak gidatuta. Musika Eskolako irakasleak eta hainbat guraso ere inguruan ibili ziren. Bapateko koplak kantatzen aritu ziren Uxue Alkorta eta Aner Peritz Motxian bertso eskolako kideak.
19:00etatik aurrera, Montetxio abesbatza, Arrai Zopa taldea eta Zarautz Abesbatza hasi ziren kaleak girotzen. Arrai Zopa taldearekin txistulariak eta Peritz eta Alkorta bertsolariak ibili ziren, eta Zarautz Abesbatzarekin, trikitilariak eta Aitor Urbieta eta Felix Zubia Motxian Bertso Eskolako kideak.