Orio, Zarautz, Zumaia, Zestoa, Azpeitia eta Azkoititik joandako jendea elkartu zen, baina azaldu dutenez, eskualdeko gainontzeko herriekin ere elkarlanean aritzeko asmoa dute aurrerantzean.
Zarautzen kasuan, aurreko astean egin zuten egunari forma ematen hasteko lehen bilera irekia. Bertan, lan talde ezberdinetan banatu ziren, eta bakoitzak bere dinamika eramango duen arren, bi astero elkartuko dira adar ezberdinak koordinatzeko.
Aurreko asteko bilerara azaltzerik izan ez zuenak baina aurrerantzean Emakume Langilearen Nazioarteko Egunaren prestaketa lanetan parte hartu nahi duenak, bfzarautz@gmail.com helbide elektronikora idatzita jaso dezake informazio gehiago.