Ohi bezala, ilara luzean itxaron zieten Bizarzuriri haur eta guraso zarauztarrek, Lege Zaharren Enparantzan. Umeen begiak diz-dizka hasi ziren txistu hotsak entzutean, eta guztia prest zegoenean, ilusio handiz eman zizkioten Bizarzuriri Errege Magoei idatzitako eskutitzak. Ondoren, itxaronaldia gozatzeko, Bizarzuriren laguntzaileek gozoki bana eman zieten haurrei.