Mendarotik Eibarrera egingo dute goiz buelta Pagoetakoek urtarrilaren 13an, igandea. Beti bezala, Agoueseneko biribilgunean elkartuko dira, 07:30ean. Izena, berriz, Mendizabal kinkila dendan eman behar da.
17 kilometro inguru egingo dituzte bost ordutan, eta 900 metroko igoera metatua izango dute. Bidean, 36ko gerrako guda-zelai batzuetatik igaroko dira. "Ingurune hau guda-borroka gogorren gunea izan zen, eta hildako gudarien gorpuak agertu ziren hobi edo lubakiak ikus daitezke. Burdinezko gurutze batek gogorarazten du gertatutakoa", azaldu dute elkartetik.